Sat sözünü Şiiri - Sevinc Arzulu

Adı telefondan silmək asandır,
Düzəltsən kəndirdən ilmək, asandır.
Özgəni aldada bilmək asandır,
Var isə hünərin aldat özünü.

Həsrətin büstünü yonub qalsan da,
Üstünə kədər-qəm qonub qalsa da.
Qışın şaxtasında donub qalsan da,
Düşmənin oduna az çat közünü.

Köhnə köçün sürüb, gəlib təzə il,
Tor tutub deyəsən, gözlərini sil.
Dəyərin azaltma, qiymətini bil,
Neçə yüz milyona sən sat sözünü.
05 01 1018