Sarılıb yatıb. Şiiri - Sevinc Arzulu

Dönüb keçmişinə baxmayır hərdən,
Xatirən salıbdır saçlarına dən.
Gündüzü sevmədi əzəldən.Nədən
Gecənin boynuna sarılıb yatıb.

Torpağı əzəldən şoran, şorakət,
Hələ bar verirsə şükür, bərəkət.
Ona qərib gəlir belə hərəkət,
Keçənin oynuna darılıb yatıb.

O bir Tanrısına qul olan bəndə,
Çətin ki aldanıb düşə kəməndə.
Əvvəldən sığmayıb bərəyə-bəndə,
Hecanın qoynuna yarılıb yatıb.