Saraldım Şiiri - Sevinc Arzulu

Söylə.necə unudum dərd-sərimi,
İtirmişəm ilham adlı pərimi.
Gün işığı rəngləməzdi dərimi,
Həsrətinin kölgəsində qaraldım.

Qaşsız qalıb dünyanın sevgi tacı,
Möhnətini çəkmək acıdan acı.
Ürəyimdən su içdi qəm ağacı,
İlk ildəncə “Nevroz”adlı bar aldım.

Bəyaz quşlar qəm rəqsinə süzdülər,
Əllərimi bu dünyadan üzdülər.
Sevənləri bir sıraya düzdülər,
Yoxluğundan qubarlandım, saraldım.