Salavat çevirek Şiiri - Sevinc Arzulu

Yaramaz uyğular xəstəbəxəstə
Yalançı duyğular bəstəbə bəstə.
Çiçəklər gəlsin qoy dəstəbədəstə
Dünyanın qədrini bilənlər üçün.

Imkanlı bu qədər varı neynəyir,
Qəpiyi çıxarsa zəncir çeynəyir.
Allahın özü də dua eyləyir,
Məzlumun göz yaşın silənlər üçün.

Çöl-çəmən nə gözəl ətir qoxuyar,
Güllərdən al-əlvan çələng toxuyaq.
Dünyadan gedənə dua oxuyaq,
Salavat çevirək ölənlər üçün.