Şairler bir az da Şiiri - Sevinc Arzulu

Baxır oxucunun vəziyyətinə,
Dözür hər nazına, əziyyətinə.
Bəzən sıxışırlar sonuncu tinə,
Şairlər bir az da dalançı olur.

Yoxla öz səbrini, öz iradəni,
Özgəyə tapşırma söz idarəni.
Qanmaza deyirlər düz ifadəni,
Şairlər bir az da palançı olur.

Görən nə tapıblar cani dünyada,
Sevinci, fərəhi ani dünyada.
Köçüb getsələr də fani dünyadan,
Şairlər bir az da qalançı olur.

Vardır özəllyi,vardır mənliyi,
Hazırdır. azalmaz heç söz ənliyi.
Şerində vəsv edər hey gözəlliyi,
Şairlər bir az da talançı olur.

Beş-altı ağacı bağ eliyirlər,
Şoru tərifləyib yağ eliyirlər.
Kiçicik təpəni dağ eliyirlər,
Şairlər bir az da yalançı olur