Şahmat ustası Şiiri - Sevinc Arzulu

Önümdə şahmat
Taxtası vardır.
Mən qalsam da mat,
Ustası vardır.

Fiqurları da,
Iki rəng olur.
Aralarında
Sanki cəng olur.

Yadıma düşür
Uşaqlıq çağım.
Var fiqurların,
Qarası, ağı.

Geri çevirdim
Neçə illəri.
Mən çox sevirəm,
Zərif filləri.

Tanrı yolunda
Verim bir nəzir.
Şahı qoruyar
Görəsən vəzir?

Keçmişin nurun,
Bu gününə qat.
Suvarisənsə
Hardadır bəs at.

Bu da iki at,
Olmaz sənə yad.
Yalmanına yat,
Açacaq qanad.

Burda damalar
Şən adalardır
Qabağa gedən
Piyadalardır.

Bəs baş qəhrəman?
Əlbəttə ki şah.
Heç vaxt çəkməsin
Rəiyyəti ah.

Ovsunçularım,
Tanrıya pənah.
Oyunçuları
Qorusun Allah.
25.06.2019