Şahid Bime Şiiri - Çetin Satıcı

Hêyşt Hezîran bî
Germ bî, dewa Roşatî bîye
Têşantîye
Weşantîye serê ma de
Germ bî, destê nêheqan serdin bî
Hêyşt pûşper bî
Koyê roşatî de ma gêraynayî
Ardî pers

“Hevalanê xo vajê,
Ca yê hevalanê xo biasnê
Ardî pers, namê hevalan vajê,
Gêraynayî, kuyayî “

Bêçik ê ma ju bi ju şikitî
Awa sûre vejîye, awa sûre rîşîye hard
Awa sûre dilopî ye, ma ser
Awa sûre namê welatî nîjna
Awa sûre rêça azadîye misnê
“Vatê çi nîetzsche (niçe) :
Ez têyna
Nuşnoxo kî bigonî amo nuştîş
Îy ra hes kena”

Bêçik ê ma nêdejay
Nêşîkîyên e bêçike ma
Hîna zaf zûlmkarî ardê ray
Zaf pê destrêjkê Keleşî gurutê
Zaf non viraşt ê
Zaf heskerdê,

Hêyştê aşma amnan a verin bî
Serd bî
Destê zulmkaran serdin bî

Pê nî zûlmî qebul nêbî

Hermû û doşê ma şikitî, ardî war
Gonî vejîye sînê mi de
Henî germ bîye
Serd bî pûşper bî
...
Destê gonîbîyîyan bî

“Gêraynayî ko ê Roşatî de
Hard kemerin bî
Ttamê dejê sincikan weş bî;
Hevalê mi na dewe de amê bî dîna”

Qorê ma şikitî ju bi ju

Îy gonîbîyayî keserîyayî bî
Qedîyayî bî
Helm roh nînan de çînî bî
Rûye nînan sîya û sote bî
Serd bî
Nêheqî keserîya bî

Panç xirmîye kêwte qoranê mi!

Pê nî destan se jîyan kenê
Se şonê destmaj
Se non wenê, pê tfangî se gênê!

Ginay waro
heqî corde qayt kerd ê

Bimerhamet bî, corde qayt kerdê
Cenemê xo bî
Zê ma cenem de bî
Heqî corde qayt kerdê

Tersa bî leşkerê kufê ra

Heqî corde qayt kerdê
“Ci zanitê xo bivirdo jîlanê bêbinan
Ci zanitê hêlî, xo se virdano ra zîndanan”

Ginay waro!

Darikî ardî pê bîrînanê ma de kay kerdî

Hêyşt Hezîran bî
Serd bî
Di hebî bîme
Gerîlay ê Kurdewarî bîme!

Xij kerdî heyano pê dewa şebî
Çar roj ver nîta de
Roştîya aşmede govende gurut bî
Aşme xayîn vejîye

Nî koan de selx çirayna bî
Nî koan de
Adir ê Newrozî fîştbî ta
Nî kou
Mi zan ê
Ma zan ê
Nî koande gawan bîya
Nî koyî maye bî ma rê
Nika nîya helmê zordaran nêbîyênê
Nî koyî amêne zon

Pê tilê şeb de qerqeşunî dawasnayî
Cîgera ma
Bîme giran
Gonî endî xo bi, xo nivisna
Cejnê bîye

Maya mi germîya xizirî pot bî
Kê ma pir bî, Îdî bîye
Newroz bî, pirodayene bîye
Misayane bîye

Serê şandî bî
Mexrî kêuwtbî hard

Hêyşt ê aşma amnana verin bî
Serd bî
Welat de şand bî
Saba ma raya çole asa bî

Ma ra pêyde çi mend ard Şêb
Misna dewijan
Verê çimanê dewijan de
Pê wesayîtan, ma ppan kerdî
Mezgê ma mend bî kulma adîrî
Mezgê xo ra hes kerd

Dewijan qayt kerd!
Qayt kerd!
Domanê xo, binê wesayîtan de
Ppan benê
Nêqîrayî
Nêzîbayî
Nêşkîya xo berzê serê ma
Kes nêberba
Kes nênala
Çimê xo nêçarnayî
Têyna va:

Hey Domanê Tîje Û Adîrî Hey!

Meyîtê ma binê dew a Derîgî de
Eştî ju çalê

Nika hewa wa azmênde
Va wa
Şîlîya,
Pûka,
Usara,
Vara sîpîy a çole de,
Til a,
Ko a,
Tîj a
Germ a,
Serd a

“Ma nika hetê ra; heyano heto bîn Kurdoyîme”

Çimê maya xo de hesti ra
Bostanê pîye xo de wella

Werê waya xo de awa
Adiro kî sace sûr keno mayîm e,
O kî serê sacî de pojîno
Mayîm e

Hagî amêy
Newê aşma amnan a verîn bî
Hacelî, muşkuret û
Rengul kerd bî ttal
Riçik de çar kêyî,
E bi ttef o ttal
Weşna bî.