Sahibi yoxdur Şiiri - Sevinc Arzulu

Indi hardan tapım dağı çapanı,
Göylərə ucalan saray yapanı...
Qapısı kilidli, çoxdan qapanıb,
Könül məkanının sahibi yoxdur.

Insanın qiyməti onun ağlıdır,
Gözəllik, qədd-qamət sevgi nağlıdır.
Sanki yolu bağlı, qolu bağlıdır,
Bunca imkanının sahibi yoxdur.

Vərəqim ağdısa, qələm qızılı,
Qızılı rəng ilə misra cızılı.
Sorurlar şeirin kimə yazılıb,
Sevda dükanının sahibi yoxdur.