Şahanemi Şiiri - Sevinc Arzulu

Həsrəti qoynuna al
Hicranı oynuna al.
Sevmirsən boynuna al
Tez burax bəhanəni.

Tezliklə qonağım ol,
Bağımda qovağım ol.
Sönməyən çırağım ol,
Işıqlandır xanəmi.

Ayrılığa səbəbkar,
Nəsnələr olsun, ah, kar.
Görən mənəm günahkar,
Yoxsa ki zəmanəmi.

Qalmışam həyəcanda,
Iki ürək bir canda.
Nə görmüsən hicranda,
Unut kədəri, qəmi.

Yamanca vurulmusan
Axıban durulmusan.
Günəş tək qurulmusan,
Ayrılıq şahanəmi.
25.04.2019