Sabah-sabah gezirsen Şiiri - Sevinc Arzulu

Deyən tökülüb kalın,
Qaralıb üzdə xalın.
Başaçıq, ayaqyalın,
Sabah-sabah gəzirsən.

Yoxdur qəmə tabı da,
Bağlanıb kitabı da.
Etdiyi savabı da.
Günah-günah gəzirsən.

Nəyi səndən alası,
Kimi yola salası.
Bu dünya dərd qalası,
Cinah-cinah gəzirsən.

Tanımadın sən məni,
Bunca qocaldım yəni...
Görmürsən duman-çəni,
Sən ah, sən ah gəzirsən.

Dua et Allahına,
Qulaq verər ahına.
Üz tutub dərgahına,
Pənah-pənah gəzirsən.