Roce Ena Şiiri - Mutlu Esfer Fırat

roce ena;
jü resme to maneno deste mıde
name to
gıneno wara sere zone mıra
tıke kuna mı viri
qelbe mı ze veri ne kuno pa
roştiya çımane mı şona
hitiya feke mı bena züya
tije kela şema sera zerex nedana
aşuq-i maşuq-i ben ax u zar

axx saati cerene
waxt eno waxti serde
ma jü cadede raste jumini benime
ez vındeno
çımemı bene pıre hesira
qayte rüye tuye ze aşme keno tı sere kena xo ver
çıme to bene pır
xoxo de qese kena
tayeki hers bena
mıra qesane xıraba kena rez
tayeki kesrete oncena axine serde
hesiri ze şiliya varene çımane mara
tı pe xo çarnena
sere kena xo ver şona
ez kunora to dıme
tı qayte mı nebena
ze jü xeribi
mıra verenara şona
şona welatene xeriba

reyna saati cerene
waxt eno waxti serde
mindere xode nişenaro tı
taye pema xo kena tı bena poşman
ez beno ax u zar
tı vana
xwezıka mı tey qese bıkerdene
ez vano xwezıka mı venge daye bı heşnene
mı reyna bidiyene
wa çıme mı kor goşemı ker
zone mı lalfekemı gurete
dest u paye mı kut biyene

kesira ne mı derde xo bı vatene
neki kesi derde mı bızanıtene

roce ena
saati cerene
waxt eno waxti serde
ma miyona şarde
heni gınenime warake
made ruçık ne maneno
qayte ruye şarikeme
ne ki qeydine a roce ena
şerefe ma qeydıno
şane ma beno bonc quruşi
benime kal
ze jü kınca kane
ze jü pısınga be wayıre
xo teyna fam kenime
ne kes deste ma ceno
ne kes halema perseno
benime motaye none
ancaki kesreta ma
kıla zere qelbema ne qeydina
tı
her berbişte,her huyayişte
mı ana xo viri
tı
çıxake kuna mı viri
zere mıra ebe çema goni
çımane mıra ebe deryawa hesiri şone

saati cerene
waxt eno waxti serde
ma gınenime cılara
teynayime
kes waxte na merdena made
neno lewe ma
ezrail çıvere ma
şaneno gırmıka ver
ez weseta xo keno
berbiş kunora fekemı
resme to nano sene xo ser
vano mı niya mezelekere
axxx hermemı gınene wara sene mı sera

roce ena
saati cerene
waxt eno waxti serde
azmene tarira astari
jü be jü gınene wara
rınd qayte azmene tarike
ez beri to viri
bızaneke ez merdo

roce ena saati cerene
waxt neno waxti serde
beki ma cennette raştejümini benime

vajime çı canara canere sılam bo
mutlu fırat