xwedê û wext xelet hatiye xetimkirin
naqosên dêran kerr...
minare kin...
doktrînên dekolte lixwekirî evdal...
sarincên ji baranên derengmayî, derengbarî hatibû
damezrandin, bi derbeke neşterê ya dirinde, şolî bûne
bi stêrkan re em rûdinin
û her şev
hesabê hatina te dikin em bi tiliyan
...stêrk westiyan, tefiyan
ê min jî çend stêrk hêviyên min ên vala mane
weke tifinga bêgule
Ji wê şeva bi şewbê
bêhna firîkên şewitî dihat ji çolê
çend xarên min wendabûne li newala waweylê
destmêja te û janê ji hevdû naşkê
hebhinarkê! ..
min ji te re got nexeyide ji wê çîrokê;
berî hûn min daliqînin
ji min re qala genimên spehî bikin
ew genimên ku qedera serê min û wan yek in
ew genimên ku ji kerba min wê bi stûyên xwe devê tirpanan jê bikin
berî hûn min daliqînin
li min vegere
kulê…
roj berî rojeke kesk
bi kulman
êvaran ji min re bîne
bi hembêzan bajaran
jixwe ez ê tim bimirim tu bê jî, tu neyê jî
jixwe tu jî pê dizanî
di me gişan de heye mirineke kesidandî,
gidîîiî gidî
îcar jî tu bidîta vî canî
heger weke zarokekî çavên wî ji kefa sabûnê bişewitiyana jî
ango taştiya emir
ango lîstina bi kêran
heyecana pelandina devançeyan weke hêtên qîzan
şûna jopên girtina xwepeşandanan
sazkirina xeyalên erotîkî li gel keçikan
lîs e
Bu şaire henüz hiç kimse yorum yapmadı. İlk yorum yapan sen ol!