Qüsse qatıbdır Şiiri - Sevinc Arzulu

Fərəh qaranquşu artıq köçübdür,
Könlün ayrılığı sevib-seçibdir.
Neçə aylar, günlər gəlib-keçibdir,
Getdiyin yolların tozu yatıbdır.

Xəyal səpələnib törlü-tökülü,
Istünə illərin tozu çökülü.
Elə mən qalmışam boynubükülü,
Hicran vüsalına çoxdan çatıbdır.

Sulara qarışıb axmağı da yox,
Şimşək tək səmada çaxmağı da yox.
Bir yana boylanıb baxmağı da yox,
Sevincin başını qüssə qatıbdır.
25.06.2018.