Quş olub getdin Şiiri - Sevinc Arzulu

Çoxu saxta, əsli deyil,
Xatirələr səsli deyil.
İndi payız fəsli deyil,
Köçəri quş olub getdin.

Səni gözdən qoymaz idim,
Söhbətindən doymaz idim.
Göz yaşına qıymaz idim,
Fələyə nuş olub getdin.

Kədərin ən azı idin,
Həyatından razı idin.
Ömrün bahar-yazı idin,
Boranlı qış olub getdin.

Heç oyunda uduzmazdın,
Sözünü ucuz tutmazdın.
Sən ki məni ubnutmazdın,
Unudan huş olub getdin.

Danışmayır, laldı həsrət,
Səni məndən alıdı həsrət.
Fərəhimi çaldı həsrət,
Namərdə tuş olub getdin.