Qürur günü Şiiri - Sevinc Arzulu

Iyirmi beş il keçib
O qanlı gecəmizdən.
Şəhidlik yan ötməyib
Görəsən neçəmizdən.

Rus tanklarının səsi
Qulağımdan getməyib.
Amansız namərd yağı
Arzusuna yetməyib.

Azadlıq hissimizi
Boğa bilmədi düşmən.
Dalğalanır bayrağım,
Ayaq üstdədir Vətən.

Vətən, şəhid olsa da,
O gecə oğlun-qızın.
Daha da alovlandı
Sənin azadlıq arzun.

Düşmənin pis niyyəti,
O gecə pozulubdur.
Müstəqillik aktımız.
Qan ilə yazılıbdır.

Yatdığınız torğağı,
Al qərənfillər bəzər.
Hər bir şəhidin adı
Indi dillərdə əzbər.

Bu gün şəhid günümüz,
Qürur hissimiz coşar.
Qurban gedər övladlar,
Vətən müstəqil yaşar.
20.01.2015