Sevən sevdiyinə qəsd eləyibdir,
Yalançı vədlərlə məst eyləyibdir.
Nifrət sevgi hissin üstələyibdir,
Çalxanıb təzədən durulmaq gərək.
Dağların sinəsi yüz oyulmayıb,
Astarın yerinə üz soyulmayıb.
Deməli təməli düz qoyulmayıb,
Yenidən tikilib qurulmaq gərək.
Qıyma ki gözünü mavi yaş alsın,
Uyma ki sözünü almaz qaş salsın.
Qoyma ki özünün könlün boş qalsın,
Özgə birisinə vurulmaq gərək.
25.02.2015
Sevinc Arzulu
Kayıt Tarihi : 8.6.2018 14:04:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!