Qurulmağıdır Şiiri - Sevinc Arzulu

Qəlbimi göynədir gülün acısı,
Könlümə yaradır dilin acısı.
Sənsiz keçirdiyim ilin acısı,
Günlərin həsrətə vurulmağıdır.

Başımın üstündə bilmirəm nədən
Asiman görüməz olubdur birdən.
Gözümü çıxardan, qəlbimi didən,
Qəmin burulğan tək burulmağıdır.

Ucadan ucadır məhəbbət, gülüm ,
Var olsun hər zaman sədaqət, gülüm.
Aşiqlərçün böyük səadət, gülüm,
Bir toy mağarının qurulmağıdır.