Qurban geder Şiiri - Sevinc Arzulu

Əlində məzə yaşlayıb.
Söykənib sözə, daşlayıb.
Davamız təzə başlayıb,
Açılacaq yeni cəbhə.

Yolunu necə özlərəm,
Bağrım başını közlərəm.
Səhəri yaman gözlərəm,
Ürəyimdə min bir şübhə.

Okeanda sal duyğular,
Gah qara, gah al duyğular.
Bilirəm ki lal duyğular,
Aparacaq məni məhvə.

Arzuların yoxdur sayı,
Yola verrəm günü, ayı.
Istəmirəm yaşıl çayı,
Gətir mənə qara qəhvə.

Gündüzlərim ala-toran,
Gecələrim şaxta-boran.
Bilirsən, minaaxtaran
Qurban gedər bircə səhvə.