Quraqlık ve yaşıllıq Şiiri - Sevinc Arzulu

Durmuşam üzərində,
Torpağın bağrı çatdır.
Kiçildin nəzərimdə,
Məni əğyara satdın.

Ağacın kölgəsində,
Sən onu gözləyərsən.
Ayrılıq bölgəsində,
Könlümü közləyərsən.

Neynim, taleyim belə,
Quraqlıq mənə qaldı.
Baxıram yaşıl çölə,
O da ki sənə qaldı...

O yaşılın işində,
Yerim yoxdur, köhnə dost..
Mənəm kölgə biçimdə,
Dərdim çoxdur, köhnə dost..

Əlimdə zərif çiçək,
Dayanmışam tək-tənha.
Yalan olmaz bu gerçək,
Xoşbəxt olmam bir daha...