Qoşa ilindedir Şiiri - Sevinc Arzulu

Səhər məndən erkən durub,
Üzünə toz kirşan vurub.
Fərəh çoxdan yuva qurub.
Qəm evimin çölündədir.

Şimal-şərqi məğrib edək,
Heysiyyəti məğrur edək.
Ayrılığı məğlub edək,
Demə çarə ölümdədir.

Vüsalımı yaxşı tanı,
Ondan əziz dostum hanı.
Ayrılığın son ünvanı,
Hicrin qara gölündədir.

Qisməti olsun qoy yadın,
Acı olur yaman dadı.
Həsrətin, hicranın adı,
Ayrılığın dilindədir.

Gələr xəsətəlik sayağı,
Gör kimlər imiş dayağı
Karonanın daş ayağı,
Qoşa gələn ilindədir.