Qocalığım Şiiri - Sevinc Arzulu

Qar nənə tək dağdan enir.
Ağir-ağir qocalığım.
Susur,danışıb dinməyir,
Fağır-fağır qocalığım.

Vəfalıdır mənə yar tək,
Ömrə gələr son bahar tək.
Hey başıma soyuq qar tək,
Yağır,yağır qocalığım.

Həsrət qaldım al köynəyə,
Qüssədən qəlbim göynəyər.
Darda gəncliyi köməyə,
Çağır,çağır qocalığım.

Ala gözü daim nəmli,
Qar ovqatlı,şaxta dəmli.
Gəncliyin dalınca qəmli,
Baxır,baxır qocalığım.

Sevinc, oda alış,yan tək,
Ötən ömrün getdi an tək.
Damarımdan qızıl qan tək,
Axir,axır qocalığım.