Qoca efendi Şiiri - Sevinc Arzulu

O gəlişin hər addımı müəmma,
Bu gedişin sonucunda nələr var.
Yalan-riya başa düşməyir amma,
Həqiqətin arxasınca mələr var.

Qızılgüllər qönçə-qönçə dərildi,
Eh, nədən bəs ayaq alta sərildi.
Ayrılıq zamanı gələndə dəniz,
Hirslənib qabardı, sular gərildi.

Payıza bürünüb həm sağı, solu,
Qalıbmı taleyin daha bir fəndi.
Bir vaxt cavan ikən keçdiyim yolu,
Indi qayıdıram qoca əfəndi.