Qiymeti yox Şiiri - Sevinc Arzulu

Bəzəklidir,ziynəti yox.
Söz əhlidir, qiybəti yox.
Acıların qiyməti yox,
Bir qəpikdir min topası.

Qəm küləyi güclü əsib,
Fərəhin önünü kəsib.
Kimsəyə etməsin nəsib,
Ağır olur dərd zopası.

Tale yolun cızır Allah,
Yetişəcək Xızır, Allah.
Bu ev nəynən qızır, Allah
Nə odunu, nə sobası.

Leyli könlün çalıb deyən,
Səhradan yol salıb deyən.
Məcnun tənha qalıb deyən,
Uzaqdadır el-obası.