Qeribe gedirem Şiiri - Sevinc Arzulu

Hayana baxırsan kədərdi, qəmdi
Alagöz gözəlin gözləri nəmdi.
Dəyişik salmışam yenə də səmti,
Üz tutuban Şimal-Qərbə gedirəm.

Sevən könül sevdiyindən nurlanar,
Bir tərəfdə Ay Günəşdən nur alar.
Bir tərəfdə uçan boşqab fırlanar,
Gördüklərim çox qəribə, gedirəm.

Gərək neçə sərhəd keçim, post aşım
Əzizimlə bayramlarda tostlaşım.
Ey insanlar, sizin ilə dostlaşım
Yoldaş olun mən qəribə, gedirəm.