Qemli şeir Şiiri - Sevinc Arzulu

Qəmli şeir yazırsan,
Mənim kövrək vaxtımda.
Lalələrdə azırsan,
Gün oturub taxtında.

Duman yenə kəşt eylər,
Ildırımlı yollarda.
Güman məni məst eylər,
“Gəl, gəl” deyən qollarda.

Ayrılıq görmək ağır,
Şirin –şəkər röyada.
Toy-düyün, çal-çağırdır,
Indi yaşıl dünyada.

Ümidin ayağından,
Həsrət yamanca dartır.
Gözəllik sorağında
Olanlar yaman artıb.

Yaşayır xatirələr,
Danışmağa sözü yox.
Üşüyür xatirələr,
Qızınmağa közü yox.
08.03.2019