Qem qarışır Şiiri - Sevinc Arzulu

Deyilmədi vida tostu,
Boş qaldı ayrılıq postu.
Mən həsrətin köhnə dostu.
Sən hicranın ilk tanışı.

Bağladılar gözümüzü,
Söndürdülər közümüzü.
Əzbər edib sözümüzü,
Eh, hamı bizdən danışır.

Dərə keçib dağ aşırlar,
Çəmənlikdə dolaşırlar.
Bulbul üstdə dalaşırlar,
Qızılgül xarla yarışır.

Eh, sevdalım duzaqdadır,
Soyuqdadır, sazaqdadır.
Gördü vüsal uzaqdadır,
Ayrılıq mənlə barışır.

Sevda yolu çınqıl daşlı,
Yan-yörəsi qanqal başlı.
Sorma nədən gözüm yaşlı,
Təbəssümə qəm qarışır.