Qem olub Şiiri - Sevinc Arzulu

Nədən bilmirəm,ey gül,mənə dost tək qəm olub,
Bunca ömür sürmüşəm mən, fərəh-şadlığım kəm olub.
Başımın üstündə hey şimşək çaxıb,yağış yağıb,
Alagöy didələrim qurumayıb heç,nəm olub.

Intizar günlərində üzüm Tanrıya tutmuşam,
Özümü,özlüyümü əbədiyyən unutmuşam.
Kim deyir nakam eşqi xəyaldan ucuz tutmuşam
Içimdə ağlamaqdan səsim tutulub,bəm olub.

Saxtalar parçalanar,izlər görünər həqiqi,
Günəşin al zərrəsi parıldatmaz daş əqiqi.
Qaçıban uzaqlaşar məndən necə də rəfiqim,
Qəlbimin qəm günündə tək ayrılıq həmdəm olub.