Qem elendi Şiiri - Sevinc Arzulu

Bu imiş tale naxışı,
Yağdı dərd-möhnət yağışı.
Tez gəldi ömrün sərt qışı,
Yer-göy ağ qara bələndi.

Sənsizlikdən qəlb nəm çəkdi,
Sevinc,fərəhi kəm çəkdi.
O qədər qüssə-qəm çəkdi,
Gözüm altı kölgələndi.

Quru qazdım,yaşa çıxdı,
Dəniz suyu başa çıxdı.
Ümidlərim boşa çıxdı,
Xoş günlər geri gələndi?!

Qəm göydə şimşək tək çaxar,
Odu qəlbi yaxar,yaxar.
Göz yaşlarım axar,axar
Ayrılıq ürək dələndi.

Həsrət qaldım sevən yara,
Xatirələr yetməz kara.
Ağ buludlar geydi qara,
Göydən yerə qəm ələndi.