Qem çekib Şiiri - Sevinc Arzulu

Kim duya bilər ki həyacanımı,
Ağrılı, həm də ki şirin anımı.
Şüası isitməz soyuq canımı,
Günəş də mənim tək deyən qəm çəkib.

Küləyin işinə meh qarışmayır,
Işvə-naz satıram,heç alışmayır,
Əbədi küsübdür, eh, barışmayır,
Vüsalın özü də deyən nəm çəkib.

Ağrını-acını çox görüb qədər,
Ayları-illəri verməyib hədər.
Bəxtimə yazıbdır bolluca kədər,
Bal kimi gülüşü deyən kəm çəkib.