Qem çağlayır Şiiri - Sevinc Arzulu

Bəxt alına yazılıdır,
Ağ-qaralı cızılıdır.
Səpkiləri qızılıdır,
Sinəm üstdə qəm çağlayır.

Ağ əllərim dönüb buza,
Yaramdan qan sıza-sıza.
Mən neynədim vəfasıza,
Hey gözləri nəm.Ağlayır.

Uzaqda dur, yaxın gəlmə,
Ürəyimin başın dəlmə.
Eh, danışır bircə kəlmə,
Əlaqəni kəm bağlayır.

Sevdalımla aram isti,
Ağ dumana dönər tüstü.
Açılıbdır yaram üstü,
Verərək sitəm yağlayır.

O qız mənə rəqibdi ki,
Sevdiyimə həbibdi ki.
Ah, bu necə təbibdi ki,
Həm sağaldır, həm dağlayır.