Qelbime köçenleri Şiiri - Sevinc Arzulu

Haqq təməli qoyulub,
Səs-səmiri duyulub,
Yağış yağıb, yuyulub
Qəlbimin küçələri.

Həri almaq istəyib,
Yurdda qalmaq istəyib.
Daxil olmaq istəyib,
Qəlbimə neçələri.

Xar ilə varam-varam,
Edibdi haram-haram
Suyu da aram-aram,
Qəlbimdən içənləri.

Tarın dərdin sim bilir,
Evin yerin him bilir.
Məndən başqa kim bilir,
Qəlbimdən keçənləri.

Bal röyadan ayrılıb,
Xoş xülyadan ayrılıb.
Bu dünyadan ayrılıb,
Qəlbimə köçənləri.