Qehere döndü Şiiri - Sevinc Arzulu

Baxdıqca əl işinə,
Rəsm bəhərə döndü.
Sevindim gəlişinə,
Sevinc qəhərə döndü.

Fəxr etdim cəlalınla,
Qəmləndim məlalınla.
Uyudum xəyalınla,
Gecəm səhərə döndü.

Açdım nur qapısını,
Verməz ki tapısını.
Mindim eşq yabısını,
Bəyaz kəhərə döndü.

Aşiqin məhəbbəti,
Onun şanı-şöhrəti.
Içdi şirin şərbəti,
Ehvah, zəhərə döndü

Səma yerlə dilləşdi,
Torpaq suyla əlləşdi.
Elə müasirləşdi,
Kənd də şəhərə döndü.