Qeflet yuxusu Şiiri - Sevinc Arzulu

Günəş sübh tezdən oyanır,
Yer-göy nuruna boyanır.
Özünü adam sayanın,
Sən üstünsən çoxusundan.

Gah sevilib, əzizlənib,
Gah da yolu təmizlənib.
Vüsal harada gizlənib.
Eh, həsrətin qorxusundan.

Nəyə gərək qızıl-gümüş,
Boğulacaq qızıl gülüş.
Çox sevdiyim qızılgülü,
Mən tanıram qoxusundan.

Ruh tək göyə yüksəlirəm,
Yolumu gözlə, gəlirəm.
Səsin titrəyir.Bilirəm,
Sətirlərin oxusundan.

Həyatından doyan dostum,
Məni tənha qoyan dostum.
Nə yatmısan, oyan dostum
Ayıl qəflət yuxusundan.