Qedir, oxu Şiiri - Sevinc Arzulu

(Q.Məmmədova)

Sevdiyinin gözü ala,
Yenə də xəyala dala.
Rö`yada yetdin vüsala,
Çin çıxaydı yuxu,Qədir.
Oxu, Qədir,oxu Qədir.

Sevgin sənə qənim oldu,
Göz yaşları mənim oldu.
Ahın duman,çənim oldu
Eşq çələngin toxu,Qədir.
Oxu Qədir,oxu Qədir.

Sən oxudun gözündə yaş,
Niyə ağlayırdın qardaş.
Kədərini böləydim kaş,
Mənim olaydı çoxu,Qədir.
Oxu Qədir,oxu Qədir.

Həmdəmisən sevən kəsin,
Qida verər xoş nəfəsin.
Yaralayar məni səsin,
Neynəyirəm oxu,Qədir.
Oxu Qədir,oxu Qədir.

Yoxla zilini,bəmini
Unutma heç xoş dəmini.
Ürəyimin dərd-qəmini,
Gözlərimdən oxu,Qədir.
Oxu Qədir,oxu Qədir.