Qaytaro günleri mene Şiiri - Sevinc Arzulu

Apaydın səmada ulduz görünür,
Necə də tək-tənha, yalqız görünür.
Gözümə yenə də o qız görünür,
Ilahi, qaytar o günləri mənə.

O qızın kədəri, qəmi bilinməz,
Ö qızın gözünün nəmi ilinməz.
Qəlbindən dərdlərin cəmi silinməz,
Ilahi, qaytar o günləri mənə.

O qızın bəxtinin yatan vaxtıydı,
Həsrətin vüsala çatan vaxtıydı.
Hicranı havayı satan vaxtıydı,
Ilahi, qaytar o günləri mənə.

Dodağı səyriyir, ağlamaq istər,
Xəzərə qoşulub çağlamaq istər.
Sevdiyi gənclə əhd bağlamaq istər,
Ilahi, qaytar o günləri mənə.

Illər nə tez ötür, qocalıb o qız,
Nənəlik taxtına ucalıb o qız.
Ayrılıq zalımdan öc alıb o qız.
Ilahi, qaytar o günləri mənə.
13.12.2017