Qaynayıram men Şiiri - Sevinc Arzulu

Yenə də gözlərim həsrətdən nəmdir,
Qəlbimdə vüsalın lal yeri kəmdir.
Dörd yanım qüssədir, dörd yanım qəmdir,
Kədərin acısın iyləyirəm mən.

Hey kəsir qarşımı döngə, ya dalan
Saralmış gündəlik tək mənə qalan.
Bilməm etdiklərim doğru, ya yalan,
Özüm də bilmirəm neynəyirəm mən.

Zülmətə bürünüb işıqlı aləm,
Daha gül açmaz ki qan rəngli laləm.
Nə səbrim qalıbdır, nə də hövsələm.
Elə içimdəncə qaynayıram mən.