Qayıt geri Şiiri - Sevinc Arzulu

Qızılgülü göz yaşıyla suladım,
Əllərimi öz qanıma buladım.
Gecə-gündüz eşq tonqalı qaladım,
Qayıt geri,qayıt geri sevdiyim.

Mən dedim ki eşqimizin tacı ol,
Demədim ki şirin ikən acı ol.
Nolar,qayıt.dərdimin əlacı ol
Qayıt geri,qayıt geri sevdiyim

Bu dünyanın ilk bəstəsi-məhəbbət,
Sevənlərçün gül dəstəsi-məhəbbət.
Edib məni eşq xəstəsi məhəbbət,
Qayıt geri,qayıt geri sevdiyim.

Başın üstdə əsər hey səmum yeli,
Dağıdar hüsnünü bəzəyən teli.
Sənə məhəbbətim coşqun dağ seli,
Qayıt geri,qayıt geri sevdiyim

Çiçək kimi bitər kolda sevdiyin,
Axtar sağda,axtar solda sevdiyin.
Qoyma qala gözü yolda sevdiyin
Qayıt geri,qayıt geri sevdiyim.