Qarda, ezizim Şiiri - Sevinc Arzulu

Toya çağırdılar , gedə bilmədim,
Çünki sən yox idin orda, əzizim.
Könlümün dediyin edə bilmədim,
De, indi hardasan harda , əzizim.

Acı həqiqətin üzünü gördüm.
Qaraya boyanmış düzünü gördüm.
Yalanın onunu, yüzünü gördüm,
Üşüdüm boranda, qarda, əzizim.

Tale yenə verdi macal əğyara,
Ərköyün əğyara, dəcəl əğyara.
Sən niyə baş əydin əcəl əğyara,
Söylə, nə görmüşdün xarda, əzizim.