Qarabağı qaytarın Şiiri - Sevinc Arzulu

Yolunu gözləyir Laçın.Kəlbəcər,
Oğlumuz Babəkdir.qızımız Həcər.
Torpağı azad et. Sonra ək,becər,
Hər vaxt sadiq qalaq bu torpağa,gəl.
Qarabağa gəl.

Düşməninə vermə döyüşdə aman,
Erməni hiyləgər.bic olur yaman.
Qələbə marşını çaldığın zaman,
Artsın sevincimiz dönsün dağa,gəl.
Qarabağa gəl.

Vətən olsun söhbətin də.sözün də,
Fərəh yaşı parıldasın gözündə.
Xarıbülbül yığaq Cıdır düzündə,
Şeyda bülbül kimi qon budağa,gəl.
Qarabağa gəl.

Dərdləri deməklə gəlməyir başa,
Yolunu gözləyir Ağdərə,Şuşa.
Gözəl Ağdam bir yaraşıq,tamaşa,
Başına od-alov yağa-yağa gəl.
Qarabağa gəl.

Yadına sal unu qan yaddaşını,
Səslə döyüşlərə yar-yoldaşını.
Sevinc deyər hər vaxt dik tut başını,
Əyilmə düşmənə,qalx ayağa,gəl.
Qarabağa gəl.