Qaqiznan'a Rengîne Şiiri - Mehmet Çobanoğlu

Warê hinar, sêvane gulan jî naweşîne
Qaqizman'a gelene bax, baxçê wî hêşîne
Hêdî, hêdî berf helîya, zivistan jî qet bû çû
Adanîya axê ye, gundî zad direşîne

Her dilan de evîne, war wî de qeysîne
Qaqizman xweş navçe ye, Çemê Erez jî şîne
Axa bav, kalan xweşe, wek mîna şîr, hingive
Neçin welatê xelqê, xerîbî dil dêşîne

Şivan bilûrê dixe, mêrgan de pez diçêrin
Qaqizman pir rengîne, nav dilan de veşêrin
Her gavan, şivanên wî, her cotkar, perxvanên wî
Her xort û her keçên wî, hemû leheng û şêrin

Guhnedin kesê xiniz, welatê me jiyane
Qaqizman tim hebûne, zîndîyan re giyane
Kevir, zinar, axa wî, ji gelan re xelate
Wîtînî ya çûkane, kalîna berx, mîyane

Devera me Serhede, berfire û bilinde
Qaqizman efsane ye, pir xweşike û rinde
Him geşe him ronhî ye, her kuncên wî jî bihuşte
Hebûne û şabûne, jîyane û tim zinde

Mehmet Çobanoglu
04.12.2020
Stanbol