Qaqizman Xweş Bajare Şiiri - Mehmet Çoba ...

Ev der Qaqizman’e, xweş bajare
Di nav de bilind dibe çar minare
Ev bajar wargehê gul, kulîlkane
Tu dibêjî dilan de sed hezare

Ev der Qaqizman’e, ez tim lê bûyam
Gava ku ez vê bajarê qetîyam
Bi caran girîyam, caran kesirîm
Min de hal min de rewş nema westîyam

Ev der Qaqizman’e, warê sêvane
Gul, sosinê wî gelan re demane
Salane hesreta vî bajarê me
Di baxên wî de dengê bilbilane

Evder Qaqizman’e, xemla bûkane
Di nav de sûke, sûkê de dikane
Ez bimirim, dema berf û baranê
Bi zivistanê lê mije, dûmane

Evder Qaqizman’e, her tim navdare
Lê newal û çem, lê devî û dare
Ax xwezî qet xerîbî tunebûya
Salane xerîbî min re pir sare

Mehmet Çobanoglu
06.11.2017
Stenbol