Qanacağın olsun,heyat Şiiri - Sevinc Arzulu

Günəşi sönük bilirsən.
Sevəni dönük bilirsən.
Nə uşaq, böyük bilirsən,
Qanacağın olsun, həyat.

Işıqlaşsın bucağımız.
Boş qalmasın qucağımız.
Alov saçsın ocağımız,
Yanacağın olsun həyat.

Ətrafına boylan hərdən,
Fərəh ilə dolsun hər dəm.
Bizləri dost, munis, həmdəm
Sanacağın olsun həyat.

Nolar, həsrəti oyala,
Qara günü ağ boyala.
Bircə dəfə xoş xəyala,
Dalacağın olsun, həyat.

Ala gözü nəm verirsən,
Şənliyi hey kəm verirsən.
Bizə ancaq qəm verirsən,
Alacağın olsun, həyat.