Qal, qadan alım Şiiri - Sevinc Arzulu

Gözlərim şipşirin uyğuya möhtac,
Qəlbim həzin, lirik duyğuya möhtac.
Olmuşam təsəlli, qayğıya möhtac,
Gəl mənim könlümü al, qadan alım.

Insan ümid bağlar səcdəgahına,
Tapınar müqəddəsa qibləgahına.
Dönsən bu dünyanın qəm dərgahına,
Məni də yadına sal, qadan alım.

Düşmən ocağında su ilinməsin,
Çəkdiyim ağrılar qoy bilinməsin.
Adın ürəyimdən heç silinməsin,
Əbədi qəlbimdə qal, qadan alım.