Qal görüm Şiiri - Sevinc Arzulu

Bu aləmin qara zərdən naxşı var,
Hər insanın həyata öz baxşı var.
Tez dəyişir dünyasını yaxşılar,
Gülüm,pislə di təkbətək qal görüm.

Vüsalının bağlı qalıb qolları,
Quruyubdur al qızılgül kolları.
Seçəmməzsən,görünməz dağ yollari,
Duman, sislə di təkbətək qal görüm.

Fələk ilə bacarmaz ki qüdrətin,
Vəslə gedən yolu kəsib həsrətim.
Bilirəm ki,səni üzür möhnətim,
Acı hisslə di təkbətək qal görüm.