Qal arasında Şiiri - Sevinc Arzulu

Həsrətindən başım elə şişib ki,
Qalmışam qeyl ilə qal arasında.
Dərdindən ürəyim elə bişib ki,
Rəngi narıncıyla al arasında.

Başımı yazmaqla qatıram eşqim,
Röyada vüsala çatıram, eşqim.
Kədər dənizində batıram, eşqim,
Xilasım gəmiylə sal arasında.

Sevinc, sən bu yolda çox çəkdin zillət,
Sevilmək olubdur ən böyük töhmət.
Bir tərəfdə həsrət, birində möhnət,
Dözə bilirsənsə qal arasında.