Pozmaq isteyirem Şiiri - Sevinc Arzulu

Məni əldən salır baş ağrıları,
Gah quru, gah da ki yaş ağrıları.
Sinəmin üstdəki daş ağrıları .
Pozmaq istəyirəm pozmaq, əzizim.

Bilirsən, titrəyir burnumda qoxun,
Qəlbimə dolmusan, şerimdə oxun.
Işıqlı , nurludur gördüyüm yuxu
Yozmaq istəyirəm, yozmaq əzizim.

Zülmət tək qaranlıq gecələrində,
Bilirsən, keçmişəm neçələrindən.
Şəhərin o sənli küçələrində,
Azmaq istəyirəm, azmaq, əzizim.

Sanıram yoxluğun həqiqət deyil,
Sən məndən özgəyə salmadın meyil.
Parlaq xatirənə neçə min şeir,
Yazmaq istəyirəm, yazmaq,əzizim.