Pola Erodimesa Şiiri - Mustafa Hoşoğlu

Pola Erodimesa

Du xoriyom dar doma
Pola erodimesa
Das taliya, da koma
Poala erodimesa.

Elerasa, plisteme
Mi denide, listeme
Nabağo, afisteme
Poala erodimesa.

Da puliya petune
Lalime o pedino
O paleyom chetune?
Poala erodimesa.

Na porbado epera
Siskodi hem si imera
Du barxari da nera
Pola erodimesa.

Sos pitim ime makras
Olin leğun ndo metras?
Da xaleva, da pertras
Pola erodimesa.

Deyida, dab roğada
Na ğabo, nadroğada
Kleğo ce lakroğada
Pola erodimesa.

So gurbet eben uzi
Ne ğlici en ne vizi
Permenime do kuzi
Pola erodimesa.

Da matam in anixta
U çevrixo di nixta
So diğan din chirhta
Pola erodimesa.

Edaris en nestiya
Do vudero, dos teya
So ceramid xapsiya
Pola erodimesa.

A so limo naxame
Din chuxna elixame
Har csumur ne ixame
Pola erodimesa.

E pepisam i demam
Pinağmenos do nemam
Don cirim ce di manam
Pola erodimesa.

E sevdam din kardiyas,
Da matas, da maliyas
Ne kuğa di laliyas
Pola erodimesa.

Mustafa Hoşoğlu
23.02.2018