Planeti paylaşaq Şiiri - Sevinc Arzulu

Yığışaraq uşaqlar,
Zooparka gedək biz.
Yaxın olsun uzaqlar,
Qoysun ömrümüzdə iz.

Bu canlı heyvanların,
Yerləri dar qəfəsdir.
Bizim duyduqlarımız
Eşidilməyən səsdir.

Necə xilas eyləyək
Qəfəsdən heyvanları.
Unutduraq onlara,
Bu kədərli anları

Ana yer kürəsini
Səyahət edib dolaşaq.
Sevimli dostlar ilə
Planeti paylaşaq.

Axı quşların yeri,
Geniş mavi səmadır.
Təbiət heyvanlara
Qayğısevər anadır.

Balıql üzsün dənizdə,
Səhra sevir ilanlar.
Heyvanlar da bizim tək,
Mehr salar, dil anlar.

Cəngəllikdə meymunlar,
Ayı kahada qışlar.
Hər heyvanın yurdu var,
Azadlığa alqışlar.