Pilotumuz Şiiri - Sevinc Arzulu

(Təlım-məşq uçuşu zamanı həlak olan qəhrəman
pilotumuz Polkovnik Rəşad Atakişiyevin əziz xatirəsinə)

Uca göydən alov yağır,
Fələk zalım, tale fağır.
Son gedişin yaman ağır,
Bitməz yoldu, pilotumuz.

Hərbə bağlı and-amanın,
Ayırdın yaxşı-yamanı.
Kaş geri dönə zamanın,
Gözlər doldu, pilotumuz.

Ulduzları dərə-dərə,
Yollarına sərə-sərə,
Allahım, göz görə-görə
Şəhid oldu pilotumuz.
23.08.2019