Peşman eyleyer Şiiri - Sevinc Arzulu

Düşmən qapısını döyərsə əlin,
Özünü “saf”lıqda öyərsə əlin,
Bir dəfə rüşvətə dəyərsə əlin,
Iştah diş artırar, düşmən eliyər.

Sən vurul dünyanın özəlliyinə,
Dağların, daşların əzəlliyinə.
Uyarsan yeməyin gözəlliyinə,
Tamah şiş artırar, şişman eyləyər.

Yaşama haqqını ödərsən bir gün,
Fələyin badına gedərsən bir gün.
Çaşıb dediyini edərsən bir gün,
Günah iş artırar, peşman eyləyər.
04.03.2019